ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 88, 22.06.2019/

//

Төпчек өчен... салым түлисе

 

Тартучылар өчен – начар яңалык. Хәер, алар өчен әйбәт хәбәр була да алмыйдыр инде. Россиядә тәмәке җитеш­терүчеләргә экологияне пыч­раткан өчен җыем кер­тергә мөмкиннәр. Тәкъдим авторы – “Аек Россия” федераль проекты. Белгечләр яңа салым­ның тәмәке бәясен 5 процентка арттырачагын исәп­ләп чыгарганнар. Тәмәкечеләрне, тартмагыз – үләсез, дигәнрәк сүзләр белән куркытып торган Сәламәтлек саклау ми­нистр­лыгы, шулай ук эколог­лар моны бишкуллап хуп­лый. Экологик җыемны бер кап өчен кимендә 5 сум күләмендә билгеләмәкчеләр.

14  pixabay.com

 
Тәмәке тартучылар хәлен тагын бер тапкыр авырай­туның сәбәбе бик саллы. “Известия” язганча, дөньяда һәр ел саен 6 триллион сигарет җитештерелә. Шуннан 680 миллион тоннага якын төпчек кала. Тәмәке чүбе ягъни. Шул ук вакытта, “Аек Россия” проекты буенча эш алып баручы белгечләр фаразына караганда, 2025 елга моның ише чүп 50 проценттан күбрәккә артырга мөмкин. Барлык тәмәке төпче­генең өчтән ике өлеше әйлә­нә-тирә мохиткә, асылда суга эләгә. Шул ук вакытта ул агулы калдыкларга кертелә. Өстә­ве­нә әле тәмәке фильтры йөз ел узгач кына таркала торган пластиктан эшләнгән. Димәк, мондый калдыкларны эшкәр­түгә аерым игътибар кирәк.


Бездә тәмәке хакының (уртача 105 сум) яртысын болай да салымнар тәшкил итә инде анысы. Ә инде экологик салым кертелгәч, бер кап тә­мәке бәясенең 70 сумы диярлек дәүләт казнасына ке­рер­гә мөмкин. Гомумән алганда, узган елда Россиядә якынча 15 миллиард кап тәмәке җи­тештерелгән. Шуннан чыгып фикер йөрткәндә, яңа салымнан казнага өстәмә рәвештә 75 миллиард сумнан артыграк акча керүе көтелә икән.


Анысы шулай. Тик тәмә­кенең тагын да кыйммәтләнүе продукциясен “идән асты”нда ясап сатучыларның бик нык ишәюенә китермәсме икән? Тартучылар арасыннан күбе­се өчен тәмәкенең кайда җи­теш­терелүе мөһим түгел: очсыз гына булсын.

(“Ватаным Татарстан”,   /№ 79, 04.06.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Фотохәбәр

Видеохәбәр