Яңа көн – яңа хәбәр

Сөяге – безгә, ите читләргә булсынмы? (рейтинг)

Сәрия Мифтахова

“Кәттә булып йөрүдән туктагыз! Сез мәктәптәге вәзгыятьне, иң яхшы укучыларны җәлеп итү юлларын белеп торырга тиеш”, – дип тәнкыйтьләде  Рөстәм Миңнеханов вуз ректорларын Мөслимдә узган киңәшмәдә. Президент фикеренчә, “акыллы баш”ларны үзебездә калдыру ягын карарга кирәк. “Татарстан укучылары иң яхшы белем алырга тиеш”,  – диде ул.

Ике айдан  – Алабугага

Татарстан Президенты Рөстәм Миңнеханов бу көннәрдә Төр­киягә эшлекле визит кыла. Бирегә килүенең төп максаты – Измирдә сәнәгать һәм куллану товарлары халыкара күргәзмә ярминкәсендә (18-22 августта уза) катнашу. Соңыннан Рөстәм Миңне­ха­нов “Сәүдә-икътисадый өлкәдә Россия –  Төркия партнерлыгының яңа этабы” Россия – Төркия эш­лек­ле форумының пленар утырышында катнашты.

Ватан ятка әйләнде (фикер)

Рәшит Фәтхрахманов

Моннан күп еллар элек “Ватан ятка әйләнсә...” дигән язма бастырган идек. Анда сүз Татарстан Хөкүмәте юлламасы белән чит илгә укырга киткән яшьләрнең кире илгә әйләнеп кайтмаулары турында барды. 1990 еллар башында бездән беренче тапкыр яшьләрнең күпләп чит илгә укырга китүе Төркиягә булды. Хөкүмәт булышлыгы белән 100 бала Кара диңгез буе дәүләтенә юллама алды. 

Гонконгтан ниләр күренә? (әңгәмә)

Рәсим Хөснетдинов

Берничә ел күргәнем, очратканым юк иде.  Илнур Миңнәхмәтов – Түбән Кама егете. 2008 елны КДУдагы татар филологиясе факульте­ты­ның татар-ин­глиз телләре бүлеген тәмамлады. Башкалабыздагы 19 гимназиядә – өч ел, 2нче лицейда бер ел инглиз теле укытты. Казан мәктәпләрендә дүрт ел эшләде дә... юкка чыкты. “Син хәзер кайда, ни-нәрсә кыласың?” – дип кызыксындым.

Тыныч яшәү кыенмы? (фикер)

Наил Шәрифуллин
Халыкта “Илләр генә имин булсын” дигән, аеруча өлкәннәр еш кабатлый торган ихлас һәм гади теләк бар. Ил-көнгә тынычлык теләү. Чөнки сугышлар, эчке буталышлар китергән чиксез михнәтләр – хәтеребездә. Бу хакта дөньяда да онытмыйлар. Халыкара тынычлык институты белән Сидней университеты ел саен иминлекне кыйбла иткән, тынычлык сөйгән илләр рейтингын төзи һәм игълан итә.

Яхшы сыер тиз авырый

Лилия Нурмөхәммәтова

Соңгы елларда кеше генә түгел, терлекләр дә чиргә бирешә башлады. Мал табиблары сау-сәламәт терлек­ләрнең елдан-ел кими баруын әйтә. Хәзер сыер бозаулату да зур мәшәкатькә әверелде – мал табибын чакыртырга туры килә. Лейкоз дигән­нәре исә һәр авылда очрый.

Якты Күл туксанга җитте

Резеда Шәрипова

Районыбызда бердәнбер чуаш авылы бар. Кечкенә булса да, 90 еллык юбилеена ул мәйдан тутырып кунаклар җыйды.1927 елда бирегә Әлмәт районы Суркино авылыннан килеп төпләнәләр. Беренчеләр сафында нигез салган Паймуллиннар нәселе дәвамчысы Зиновий Степанов белән Новосибирскида яшәү­че Наил Юлтимиров бәй­рәмне олылыклап үткәрү өчен зур көч куйганнар.

Җиләкне бакчабыз яратты

Рәсимә Муллаянова
Һәр авыл үзенчә тырышып көн күрә. Күпләп мал асрый, кече эшмәкәрлек белән дә шөгыльләнә, һич югы, бакчасында үскән помидор-кыярын сатып, өстәмә табыш кертергә тырыша. Авылда кешечә яшәргә тырышуның бер генә фәлсәфәсе бар: йок­лап ятмаска кирәк. Балык Бистәсе районы Олы Елга авылында яшәүче Гыйльметдиновлар да шулай.

Алар иң-иңнәргә тиң

Камил Сәгъдәтшин
Икмәк язмышына кагылышы булган һәркем үз урынында бик мөһим эш башкарса да, үзәктә –  комбайнчыдыр, мөгаен. Хуҗалыкларның урып-җыюны тиз арада югалтуларсыз башкарып чыгуы тәҗрибәле механизаторларның  кыр корабын ничек әзерләвенә, иртә таңнан кичке караңгыга кадәр бар осталыгын җигеп, фидакарьләрчә эшләвенә бәйле.   

Төнлә утыртсаң, яхшырак үсә...

Рәшит Минһаҗ
“Кара археологлар”ның нинди эш белән шөгыльләнгәнлеген беләбез. Хәзер “кара яшелләндерүчеләр” дә бар икән. Болар юл буйларында, кырлар арасында урманчылар утырткан яки соңгы елларда авыл хуҗалыгы җир­ләрендә иген икмәгәнгә табигый рәвештә пәйда булучы агач-куаклыклардан иң ыспай, иң матурларын төннәрен казып алып, шәхси хуҗалыкларга, төрле оешма-учреждение­ләргә сата.

Ялган аракыдан ничек котылырга?

Быелгы уңыш сөендерәме? (сораштыру)

Республиканың кайбер районнарында бәрәңге ала башладылар. Яңгырга тилмермәдек, күпләр, ”икенче икмәк” уңышы әйбәт булачак, дип юрады. Кыяр, суган да ишелеп уңган. Тик менә помидор белән кишергә генә артык дым килешмәгән. Шуңа: “Помидорны кибеттән сатып алып тозладым”, – дигән сүзләрне ешрак ишетергә туры килә. Ә сезнең бакчагызда уңыш сөендерәме?

Киртә һәлакәттән коткарырмы? (сораштыру)

Машина йөртүчеләр каршы якка чыкмасын өчен, юлда капма-каршы якка хәрәкәт итүчеләрне аерырга җыеналар. Юл уртасына аркан, таш койма куярга, һич югы яшел чирәм чәчәргә тәкъдим итәләр. “За рулем” журналы баш мөхәррире Артур Саруханов дәүләт автоинспекциясенә шундый фикер җиткергән. Юл уртасындагы киртә һәлакәтләр санын киметерме?

“Укол ясаткан, төймә капкан юк!” (язмыш)

Ләйлә Искәндәрова

Апас районындагы Каратун бистәсендә яшәүче 90 яшьлек Бибисара әби Минһаҗеваның җитезлегенә, үткенлегенә сок­ланмый мөмкин түгел. Ялгызы яшәвенә карамастан, бар җирендә тәртип, чисталык аның, яшелчә бакчасында бер чүп үләне юк, ишегалды чирәмгә төренгән, өй эчендә дә бар да пөхтә, тәрәзә төбендә гөлләр чәчәк ата.

Кызлар нигә гармун уйнамасын? (язмыш)

Гөлгенә Шиһапова

Игътибар итсәгез, “Башыңны эшләт” рубрикасында укучыларыбыз белән дүрт сурәтне берләштергән сүзне эзлибез. Күптән түгел милли киемдәге ике гармунчы хатын-кызның рәсемен тәкъдим иткән идек.  Күп тә үтмәде, редакциянең телефоны шалтырады. Шушы рәсемдәге ханымнарның берсе икән. Үзләрен күреп, рәхмәт әйтергә дип шалтыраткан.

Хатларда – хаклык, хатларда – шатлык

«Ватаным Татарстан» укучыларын ниләр борчый, ниләр сөендерә? Укучыларыбызның нинди әйтер фикерләре, ачар серләре бар? Газетабызның һәр шимбә санында дөнья күрүче сәхифәсендә урын алган язмаларны тәкъдим итәбез.

“Кино – әлегә үзешчән сәнгать хәлендә” (әңгәмә)

Гөлинә Гыймадова

Татарстан киносы ни дәрәҗәдә? Ни өчен татарча кино прокатка чыга алмый? Казан халыкара мөселман кинофестивалендә нинди яңалыклар булачак? Болар хакында “Татаркино” оешмасы җитәкчесе Миләүшә Айтуганова белән сөйләштек.

Сынауларга шөкер итәбез

Гөлинә Гыймадова