ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 59, 23.04.2019/

Кыздыру кызаруга китермәсен

 

Кояш елмая, урамда яз җит­теме? Табигатькә чыгып ял итәсе, шашлык кыздырып ашыйсы килә башладымы? Кыздыруын кыз­дырырсың, тик яңадан бу гамәлең өчен кызарырга туры килмәсен, дип ки­сәтә янгын сүндерүчеләр. 

1-1  
Россия Гадәттән тыш хәл­ләр министрлыгының Та­тарстан буенча Баш ида­рәсе кү­зәтчелек эш­чән­леге идарәсе башлыгы урын­басары Максим Трущин брифингта журналистларга хә­бәр иткәнчә, янгыннар күп­челек очрак­ларда ур­ман-парк­ларда, авыл хуҗ­а­лы­гы җирләрендә коры үлән, чүп яндыру нәти­җә­сендә килеп чыга. Статистика күр­сәт­кеч­ләре дә куанычлы тү­гел. Быел Татарстанда, узган елның шушы чоры белән чагыштырганда, янгыннар саны артып, 1451гә җит­кән. Ел башыннан 64 кешенең гомере өзелгән. Корыган чүп үлән яндыру нәти­җәсендә килеп чыккан янгын­нарның күп­че­леге Казан шәһәре (85 очрак), Тү­бән Кама (32), Алабуга (20), Зәй (18) районнарына туры килә.     


Татарстанның урман ху­җа­лыгы министры Равил Кузюров хәбәр иткәнчә,  быел ур­маннарда янгын куркыныч­сызлыгы сезоны 15 ап­рельдә башланды. Ә 25 апрель­дән 10 майга кадәр республикада ян­гынга каршы га­дәттән ­тыш режим кертелә. Әлеге көн­нәр­дә ачык утта ризык пе­шерү, чүп, коры үлән яндыру тыела. Май бәйрәмнәрендә урманнар янгын сүндерүче­ләрнең тагын да көч­лерәк игътибар үзә­гендә булачак.


Урманнарда янгын куркынычсызлыгы кагыйдәләрен бозган кешеләргә – 3 мең, вазифаи затларга – 20 мең сумга кадәр, юридик затларга 200 мең сумга кадәр штраф каралган. Әгәр тәртип бозу очрак­лары янгынга каршы махсус режим шартларында теркәл­сә, тагын да күбрәк акча чыгарып салырга туры киләчәк. Бу вакытта гади гражданнарның акча янчыгы – 4-5 мең сум, вазифаи затларныкы – 20-40 мең сум, юридик затларныкы 300-500 мең сумга кадәр ки­мергә мөмкин.     


Равил Кузюров быел Түбән Кама һәм Нурлат районнарында II типтагы ике яңа янгын-химия станциясен булдыру нияте турында да әйтте.

(“Ватаным Татарстан”,   /№ 60, 24.04.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!