ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 59, 23.04.2019/

//

Авыру йоктыру куркынычы бар

 

Күсе, тычкан, талпаннар белән шаярырга ярамый. Алар йогышлы авырулар таратырга мөмкин. Матбугат очрашуында Татарстан Республикасы Рос­пот­ребнадзор идарәсе җи­тәк­чесе урынбасары Любовь Авдонина әнә шулай дип ки­сәт­те. Аның сүзләренә караганда, кимерүчеләр, талпаннар аша йога торган авырулар исемлегендә “бөер синдромлы геморрагик бизгәк”, лептоспироз, туляремия, талпан энцефалиты бар.

2-5  pexels.com

 
– Әлеге авыруларның үзен­чәлеге шунда: алар ке­шедән кешегә күчми. Кеше, авыру хайваннар һәм бө­җәк­ләр белән элемтәгә кер­гән оч­ракта, зарарланган продуктлар куллану нәти­җә­­сен­дә авы­рып китәргә мөмкин. Авыру очраклары ел әй­лә­нәсе теркәлә, әмма яз, җәй һәм көз айларында табигать­кә чыккан вакытта бу авыруны йоктыру куркынычы арта, – дип кисәтә ул халыкны. 


Любовь Авдонина әйтүен­чә, Татарстанда аеруча “бөер синдромлы геморрагик биз­гәк” авыруы киң таралган. Уз­ган ел әлеге авыру белән рес­публикада 512 кеше авырган. Алар 42 районда теркәлсә дә, Баулы, Чирмешән, Саба, Балтач, Мамадыш районнарында бу авырудан җәфаланучылар күбрәк булган.


– Халык урманда, болын-кырларда, дача-бакчаларда булганда профилактика чаралары турында онытып җибәр­мәсен иде, – дигән теләген җиткерде белгеч.     


Татарстанда шулай ук талпан кадалу нәтиҗәсендә барлыкка килгән авырулар да очрый.
– Талпан сезоны ел саен апрельдә башланып, ок­тябрь­­гә кадәр сузыла. Май – июнь баш­ларында алар аеруча күп була. Талпан “вирус энцефалиты” һәм “иксодовый боррелиоз” йогышлы авыруларын таратучы булып тора. Гадәттә, республикада талпан кадалган 9 мең ти­рәсе кеше тер­кә­лә. Соңгы ун елда “талпан энцефалиты” белән авыру очрак­лары унбер тапкырга кимеде, – диде Любовь Авдонина.

(“Ватаным Татарстан”,   /№ 60, 24.04.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!