ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 59, 23.04.2019/

//

Язгы саташу түгелме бу?

 

Ниһаять, җылытты! Алай гына да түгел: бу атна ахырында синоптиклар аномаль җылы һава торышы вәгъдә иткән. Бу язгы саташу гына түгелме? Быел яз артык мәшәкать тудырмады. Кар эри баш­лау­га, республикада көчле су басулар көтелә, дип чаң суккан коткаручылар юкка куркыткан булып чыкты.

2-7

pexels.com

 

Авыл халкы әйтүенчә, га­дәттә авызыннан ук тула торган базларга да бер тамчы су төшмәгән быел. Бакчада кар эреп беткән диярлек, һич югы түтәлләр кардан “әрчелгән” инде. Димәк, тиздән кишер-суган утырта башлаячаклар.

 
КФУ профессоры Юрий Переведенцев сүзләренә караганда, бу атна ахырында Татарстанда аномаль һа­ва торышы көтелә. Көннәр га­дәт­тәгедән өч градуска җы­лырак булачак. “Скандинавия циклоны кояшлы һа­ва то­рышы алып киләчәк. Көн­дез – 19, төнлә исә 8 градуска кадәр җылытачак. Явым-төшемнәр көтелә”, – дигән белгеч. Апрельнең  яңгырлы ай түгел икәнен дә искәрткән ул. Бу айда яварга тиешле явым-төшем­нәр­нең яртысыннан да күбрәге теркәлгән икән инде. Атна ахырында республикада урыны белән – 21, ә Мәс­кәү­дә 25 градуска кадәр җылы вәгъдә иткән­нәр. Май бәйрәмнәрендә дә җәйгечә һава торышы булачак дип фаразлана.

 
Тик салкыннар кире әй­ләнеп кайтмасмы? Балтач районының Яңгул авылында яшәүче халык синоптигы Әмир Шәрәфиев фи­ке­рен­чә, быел яз бик тиз башланды. Шуңа күрә суыклар майда да кире әйләнеп кайтырга мөм­кин. “Июнь аеның беренче яртысы салкынча булырга мөмкин. Яңгырлар явып торса, ул дәрәҗәдә куркыныч түгел, коры суык булмасын”, – ди халык синоптигы. Ә менә карны көтмәгез. “Гидрометцентр” белгечләре әйтүенчә, гадәттә, май башында кар 50 елга бер тапкыр гына ява икән. Ә мондый хәл моннан берничә ел элек кенә күзә­телгән. Шуңа күрә куркасы юк.

(“Ватаным Татарстан”,   /№ 59, 23.04.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!