ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 56, 20.04.2018/

//

Татарстан Дәүләт Советы Рәисе Ф.Х.Мөхәммәтшинның  Россия   матбугат  көне  уңаеннан котлавы

 

Хөрмәтле журналистлар, нәширләр, газета һәм журнал ре­дакцияләре хезмәт­кәр­ләре, полигра­фист­­лар, ветераннар һәм  яшь каләм ияләре!  Сезне һөнәри бәй­рә­мегез  – Россия матбугат көне  белән чын кү­ңелдән тәбрик итәм. 1703 елның 13 гыйнварында – нәкъ 315 ел элек Россиядә “Ведомости” газетасының беренче саны дөнья күргән көн илебез журналистика тарихының башлангычы булып санала. Шушы истәлекле вакыйга уңаеннан  расланган Матбугат көнен  әлеге тармакта эшләү­челәр, матбугатны әзерләүчеләр һәм  таратучылар ел саен билгеләп үтә. Сезне һөнәри бәйрәмегез – Россия Федерациясе  Матбугат кө­не  белән чын күңелдән тәбрик итәм!

 
Хәзерге заманны мас­сакүләм мәгълүмат чараларыннан башка күз алдына да китерүе кыен. Гадәти матбугат басмалары белән бергә электрон медиа-бас­малар, радио һәм телевидение, спутник һәм мобиль элемтә көн­дә­лек  тормышка әве­рел­де.  Алар безгә дөнья хәл­ләре, илебездәге һәм республикабыздагы вакыйгалар турында туры­дан-туры эфирда хәбәрдар булырга мөмкинлек би­рәләр һәм иң әһә­миятле яңалыклар белән таныштырып торалар. Ләкин мәгълүмат киң­леге үзеннән-үзе генә барлыкка килми. Ул – үз эшенә тугрылыклы булган чын профессио­нал­ларның тырыш, иҗа­ди хезмәт нәтиҗәсе. Вакытлар узу белән эшләү рәвеше ничек кенә алмашынса да, сезнең иҗади осталыгыгыз, каләм үткен­леге, милләтпәрвәрлек, сәяси өл­гергәнлек һәм әхлакый җавап­лы­лык элеккечә  һөнәрегезнең асыл нигезен тәшкил итә. 

 
Кадерле дуслар! Россия   матбугат  көне  белән котлап, сезнең  барыгызга да бик әһәмиятле җаваплы хезмәтегез, югары һөнәри осталыгыгыз, үз эшегезгә тугрылыклы булганыгыз өчен рәхмәтемне бел­дерәм. Республика мәгълүмат ча­ра­лары бе­лән дәүләт хакимияте ор­ганнары арасында вакыт сынавы узган эшлекле мөнәсәбәт өчен, иң актуаль һәм көнүзәк мәсь­әлә­ләрне яктыртырга һәм хәл итү юлларын  табарга әзер булганыгыз һәм актив хезмәттәшлек өчен рәхмәт сезгә! Каләмегез үткен булсын! Яңа иҗади уңышлар,  күтә­рен­ке рух, бәхет һәм  исәнлек-саулык телим.

 

”Сездән тора”

 

Бүген Журналистлар берлеге бинасында каләм иялә­рен Татарстан Президенты Аппараты җитәкчесе Әсгать Сәфәров тәбрикләде.

 

“Президентыбыз Рөстәм Нургали улы Миңнеханов, республика җитәкчелеге исеменнән Россия матбугаты көне белән котлыйм. Авыр һәм җаваплы эшегез һәрвакыт уңышлы барсын!” – дигән теләкләрен­нән башлады ул чыгышын. “Биредә иң иҗади, ординар булмаган кешеләр җыелган. Сезгә республика тормышын объектив яктыртканыгыз өчен рәхмәтемне белдерәм. Сез безнең игътибарны да көнүзәк мәсьәләләргә юнәл­тәсез, без кабул итә торган карарларның мәгънәсен халыкка җиткерергә булышасыз. Халыкның республиканы ничек күзаллавы, Татар­с­танның илдә һәм халыкара киңлектә ничек тәкъдим ите­лүе күбесенчә сездән тора. Бурычыбыз бер: республика халкы иминлеге бәрабәренә хезмәт кую”, – дип белдерде Әсгать Сәфәров.
Президент Аппараты җи­тәкчесе быел Татарстан Журналистлар берлегенең 100 еллыгы уздырылуын билге­ләп үтте. “Узган гасыр эчендә ул безнең республиканың аб­руйлы, иҗади берлеге булуга иреште. Заманча мәгъ­лүмати сәясәткә, журналист­ларның һөнәри яктан үсе­шенә саллы өлешен кертте. Бүген Журналистлар берлеге – илебездә аеруча куәтле берләшмәләр­нең берсе, күп кенә проектларыгыз федераль дәрәҗәдә дә бәяләмә таба. Моның өчен сезгә карата хөрмәтебез зур”, – диде.


Әсгать Сәфәров бу елның төрле вакыйгаларга бай булуын билгеләп узды. “Иң төп иҗтимагый-сәяси вакыйга – Россия Президентын сайлау. Иң мөһиме – сайлау закон кысаларында, барлык нормаларга буйсынып узарга тиеш. Без сездән халыкны сайлауда катнашу мөһимле­генә күн­дерүдә ярдәм итүе­гезне сорар идек”, – диде ул.


P.S. Татарстан Респуб­ликасының Премьер-ми­нистр урынбасары – Татарс­танның Россия Федера­ция­сендәге тулы вәкаләтле вә­киле Равил Әхмәтшин да газета коллективын hөнәри бәй­рәм белән ихлас котла­ды, үзенең изге теләкләрен җит­керде.

 

Энергетика өлкәсендә дуслык

 

Кичә ТР Президенты Рөстәм Миңнеханов Төркиягә эшлекле сәфәре кысасында әлеге илнең икътисад министры Нихәт Зәй­бәк­җи белән очрашты.

 
Президент очрашуда моңа кадәр “Бәрәкәт Энерджи” ком­панияләр төркеме идарәсе рәисе Җәйхан Салданлы белән сөй­ләшүләрдә якларның энергетика өлкәсендә хезмәттәшлек мөм­кинлекләре буенча фикер алышканлыгы турында сөйләп үтте. Нихәт Зәйбәкҗи һәм Рөстәм Миң­неханов шулай ук Төркия белән Татарстан арасында узган елдагы сәүдә-икътисадый хезмәт­тәшлек­нең башлангыч йомгакларына кагылып үтте, 2018 елда үзара хез­мәттәшлек буенча планнар бил­геләде.


Яклар сәүдә-икътисадый хез­мәттәшлекнең күләмнәрен арттыру, шул исәптән энергетика өлкә­сендә яңа юнәлешләрне үстерү турында килеште.

(“Ватаным Татарстан”,   /№ 4, 13.01.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Видеохәбәр