ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 41, 22.03.2019/

Сез кайларда йөрисез икән?

 

Хөрмәтле укучыларыбыз! “Ватаным Татарстан” газетасы 2013 елның август аеннан бирле “НТВ” каналындагы иң популяр “Жди меня” тапшы­руының ирекле ярдәмчесе ди­гән статуска ия. Игътибарлырак булсагыз иде. Исем­лектәге югалган кешеләрнең язмышы Татарстан Республикасына бәйле. Теге яки бу сәбәп бе­лән бер-берсен күрергә тил­мергән кешеләр сезнең танышыгыз, күршегез, авылдашыгыз булырга да бик мөмкин. Берәр яңалык булса, без аларны шунда ук “Жди меня” тапшыруына юллаячакбыз.

16-8

Бәйрәм белән!


НТВ каналының “Жди меня” тапшыруы редакторы, шалтыратып, “Ватаным Татарстан” редакциясе коллективын һәм барлык укучыларыбызны Яңа ел бәйрәме белән котлады. Исәнлек-саулык теләп, изге теләкләрен юллады. Иң мөһиме, югалган кешеләрне кавыштыру эшенә алынуыбыз һәм бу юнәлештә шактый гына уңай нәтиҗәләргә ирешкәнебез өчен зур рәхмәт­ләрен белдерде. Ки­ләчәктә дә бу эшне дәвам итүе­безне үтенде. Бу рәхмәтләрнең иң зурысы, әл­бәттә, сезгә, хөр­мәтле укучыларыбыз. Без һәр­даим сезнең яр­дәмегезгә таянып яшибез. Алга таба да бергә- бергә фикерләшеп яшәргә язсын! Яңа ел белән!

 

Хәтирәнең хәтер көндәлеге

 

Бөек Ватан сугышына кагылышлы бу рубриканы алып барырга Хәтирә Мансур кызы Мәрданшина ярдәм итә.


Без “хәбәрсез югалган” дигән төшенчә белән берничек тә килешә алмыйбыз. Һәр солдат Ватан өчен көрәштә һәлак булган.
16-5 Биектау районының Коркачык авылында 1917 елны туып, 1941 дә фронтка алынган һәм 77 ел буена хәбәрсез югалган дип тамга сугылган Кәлимуллин Ислам Кәлимулла улы да, шөкер, бу тамгадан котылды. Ул хәзер Ватан өчен батырларча һәлак булган дип санала.

 
Бу хакта иң беренче хәбәрне миңа волонтер Наталья Юрьевна җиткерде. Александр Пронин җитәкчелегендәге “Долг” эзләү отряды чираттагы походка чыккан. Харьково авылы янындагы “Кадушка” дип аталган сазлыкта инде бу отрядның берничә тапкыр булганы да бар. Әмма “Вязьма казаны” дип аталган кайнар ноктада эзләнергә дә эзләнергә әле. Бу юлы алар 82 кызылармияченең җәсәдләрен табалар. Дүртәр, бишәр, алтышар... кеше бергә күмелгән. Бу “санитар җирләү” дип атала. Барлыгы 17 медаль­он табыла. Арада безнең якташыбыз Ислам Кәлимул­лин­ныкы да бар. Аның җәсәде туганнар кабер­легенә күчерелә.

 
Без бу хәбәрне ишеткәч тә, солдатның кызы Фатыйма апаны эзләп таптык. Ул 1941 елгы. Димәк, әтисен бөтенләй хәтерләми. Оныгы Миләүшә – Татарстан Республикасының атказанган артисты. Чаллы Татар дәүләт драма театрында эшли. Туганнар, җыелышып, солдатның каберен зиярәт кылып кайттылар.

16-4

 

№ 2686944
Туктамышев Шамилне эзлим

 
Туган елы: 1950
Эзләү урыны:
Татарстан Республикасы
Шамил Туктамышев – якынча 1950 елгы. Апам әйтүенчә, аның 1974 елның 29 сентябрендә Чаллы шәһәрендә туган улы Костиков Андрей Михайловичның әтисе ул. Аларның никахлары законлы рәсмиләштерелмәгән. Ничектер шулай килеп чыккан: Андрей туганнан соң, апам безнең янда, Иркутск өлкәсендә яшәп калган. Апам Костикова Ольга Михайловна, безне калдырып, бакыйлыкка китеп барды. Андрей үз әтисен беркайчан да күрмәгән, чөнки апам ул бик бәләкәй чакта ук кайткан. Еллар үтә, хәзер Ан­дрей­ның әти­се ягын­нан тамырларын бик тә беләсе, туганнары бе­лән аралашасы килә.
16-7 Сергеева Татьяна


№2671720
Сафиуллин Ренатны эзлим
 

 

Туган елы: билгесез
Эзләү урыны: Татарстан Республикасы
Исәнмесез! Мин Ростов өл­кә­сенең Волгодон шәһәрендә, Гагарин урамындагы 27 нче йортның ишегалдында йорт-җирсез кешене очраттым. Ул – Сафиуллин Андрей Шамильевич, кыяфәтенә караганда 53-55 яшьләр чамасы. Аның хәтере белән проблемалар бар. Фатир мәсьәләсендә алдаганнар, урамда калган. Элек шул ук шәһәрдә, Кошевой урамының 13 нче йортында яшәгән. Ни­чәнче фатир икәнен хәтерләми. Әй­түенчә, Казанда олы абыйсы яши – Сафиуллин Ренат Шамильевич. Андрейның туганнарын табарга булышсагыз иде.
16-6 Сафиуллин Андрей


№2686242
Мөхәммәтшин Зәкәрияне эзлим

 
Туган елы: 1940
Эзләү урыны: Татарстан Республикасы, Коми Республикасы
Әти-әнием мин бик бәләкәй вакытта аерылышканнар. Мин әтием­не эзләгән идем, бер тапкыр таптым да. Әмма юллар тагын аерылды. Ул вакытта миңа 16 яшь иде. Әтием белән беренче һәм соңгы очрашуыбыз булды ул. Аның белән бик тә күрешәсем килә. Әтием ягыннан кыз туганнарым барлыгын да беләм. Алар белән дә танышыр идем, ни генә дисәң дә, туганнарым бит.
Мөхәммәтшина Зөлфия

 

 

№ 2686324
Рамазанов Эдуардны эзлим
 

 

Туган елы: 1965
Эзләү урыны: Татарстан Рес­публикасы
Мин, Мандарова Анастасия, Саха Республикасының Якутск шәһәрендә яшим. 1965 елгы әтием Рамазанов Эдуардны эзлим. 1986 елны ул Татарстаннан Якутскига балта остасы булып эшләргә килгән. Әнием Мандарова Татьяна – 1967 елгы. Әтием белән бергә эш­ләгәннәр. Ике ел бергә яшәгәннәр. Аннан әнием, әтиемнең көнлә­шүенә түзә алмыйча, яшертен генә авылга кайтып киткән. Ул вакытта әтием аны эзләгән, тик аңа адрес бирмәгәннәр. Әтиемне бик тә табасым, күрешәсем килә.
Мандарова Анастасия


№ 2671272
Рафисны эзлим

 
Туган елы: 1978
Эзләү урыны: Татарстан Республикасы
14 июль көнне Казанда, “Туган авылым” комплексында танышкан идек. Телефон номерымны бирергә өлгермәдем, чөнки көтмәгәндә генә китәргә туры кил­де. Без никахлашу үзәге янындагы ресторанга керү юлында видеокамерага эләккән булырга тиешбез. Ул Казанның Авиатөзелеш районында яшәве хакында әйт­кән иде. Ялгышмасам, тумышы бе­лән Апас районыннан булырга ти­еш.
Шәяхмәтова Рузилә


№ 2671089
Салиф Данфа (Danfa Salif)ны эзлим

16--3

Туган елы: 1962
Эзләү урыны: Татарстан Республикасы
Минем исемем – Гуллиметт Данфа (французча Guille­met­te Danfa)
Парижда шәфкать туташы булып эшлим. 2007 елдан бирле иремнең энесен эзлим. Аның исеме – Салиф Данфа. 1962 елда Сенегалда туган. 1992 елны ул ПИТ – Сенегалның Коммунистлар партиясе (фр. PIT – Parti Com­mu­niste Senegalais) делегациясе бе­лән Казан университетына укырга китте. 2007 елга кадәр хаты даими килде. Шуннан соң тукталды. Укыган вакытта студентлар тулай торагында яш­әде. Адресы: Казан, Гадел Кутуй урамы, 2/17, 6 нчы корпус, 466 нчы бүлмә.
2011 һәм 2013 елларда Россия Халыклар дуслыгы университеты белән дә элемтәгә кердем. Аннан Салифның Казан университеты китапханәсендә булганлыгы турында язу сакланып калган дигән җавап килде. Мөгаен, Салиф китап алгандыр. Башка бернинди хәбәр дә юк.
Әгәр дә Салиф турында берәр мәгълүмат булса, үтенеп сорыйм, зинһар өчен, хәбәр итегез әле. Аны эзләп табарга ярдәм итүегезне сорыйм.
Салифның әнисе улын күрә алмыйча үлеп китте. Әтисе, абый һәм апалары эзләүләрен дәвам итте­рәләр һәм кайтыр дип бик өмет­ләнәләр.
Элемтә өчен мәгълүматлар:
Адресым: Mlle CASTELLOU Guillemtte, 129 boulevard Massena, 75013, Paris
Телефон номерым: +33658359120
Электрон почтам: guillemette.castellou@laposte.net
Данфа Гуллиметт

 

№ 2669611
Сәйфетдинов Наилне эзлим

 
Туган елы: 1963
Эзләү урыны: Татарстан Республикасы
Смирнова Екатерина

 

 

№2671269
Голосов Сергейны эзлим

 
Туган елы: 1958
Эзләү урыны: Татарстан Республикасы
Казанга чыгып киткән җи­реннән кайт­ма­ды. Соңгы тап­­­кыр акча эш­­ләү мак­са­тыннан, нин­дидер татар авылында яшә­гән иде.
Фирсова Татьяна


№ 2670545
Хәмидуллин Эрикны эзлим

 

Туган елы: 1977
Эзләү урыны: Татарстан Республикасы
Иремнең 1977 елгы туганы Хәмидуллин Эрик Фоатовичны эзлим. 2004 елда ул ТР ның Мамадыш районындагы Тәкәнеш авылыннан Чаллыга киткән иде. Анда төзелештә эшләде, Чулман проспектында (төгәл адресын белмибез) яшәде. Эрик өйгә кайткач, эш хакын бирмиләр, шуңа күрә бу эштән китәм, дигән иде. Шуннан соң ул кабат Чаллыга китте. Кайда икән­леге турында бер­нәрсә дә хәбәр итмәде. Без аны эз­лә­дек, по­лициягә дә хәбәр иттек. Әмма җинаять анда, бил­ге­лә­ре юк дип, эз­ләүдән баш тарттылар.
16-2 Газизуллина Рәмзия


№ 2669598
Мөхәммәтханова Рәйханны эзлим
 

 

Туган елы: билгесез
Эзләү урыны: Казахстан, Көньяк Казахстан өлкәсе, Чимкент шәһәре,
Татарстан Республикасы
Миңа өч яшь чагында әнием каядыр китеп барган. Мине әти белән калдырган. Хәзер исә әниемне эзләп табарга телим.
16-1 Сымтыкова Юлия

(“Ватаным Татарстан”,   /№ 4, 05.01.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!