ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 40, 20.03.2019/

//

Базар түгел, даруханә

 

Даруханәдә сатып алучыларга үзләренә кирәк­ле даруларны көчләп таккан фармацевтларны җаваплы­лыкка тартырга тәкъдим иткәннәр. Аналитика агент­лык­ла­рының берсе үткәргән тик­шерүдән күренгәнчә, да­ру­ханәгә килүчеләрнең 43 проценты үз авыруы турында фар­мацевтка сөйли дә, нәрсә эчәргә, дип, бел­гечтән ки­ңәш сорый. Ә ак халат кигән сатучы нишли?

111

Үзенә кирәкле даруларны тәкъдим итә, әл­бәттә. “Илкүләм фармацевтика палатасы” бер­ләшмәсе мәгълүматларына караганда, даруханәләр медицина препаратлары җи­тештерүчеләр белән маркетинг килешүе нигезендә эшли. Аның асылы сатып алучыга теге яки бу даруны көчләп тагуга кайтып кала. Шул рәвешле даруханәгә килгән өч кешенең икесе фармацевт кармагына эләгә, ди­гән белгечләр. Моңа чик кую өчен, намуссыз белгечләрне җаваплылыкка тарта башларга тәкъдим иткәннәр. Мәсә­лән, кыңгыр эштә тотылган фармацевтның даруха­нәдә эшләү хокукын ярты елга кадәр чикләргә мөмкин­нәр.

 
“Илкүләм фармацевтика палатасы” берләшмәсендә да­руханәләр белән медицина препаратлары җитеште­рү­челәр арасындагы мөнәсә­бәтләрне канун нигезендә җайларга кирәклеген дә ис­кәрткәннәр. Илнең сәнә­гать һәм сәүдә министры урынбасары Сергей Цыбага бу хакта хат юллаганнар инде. Документтан аңлашыл­ганча, алга таба табиб авыруга нинди дару билгеләсә, фармацевт артык киңәш биреп тормыйча, кәгазь­дә язылганны гына тәкъ­дим итәргә тиеш булачак. Әйтү­ләренә караганда, аерым җитештерү­челәр мәнфә­гать­ләрен кайгыртып яткан дару­ханә чел­тәр­ләре шул рәвешле елына 6 миллион сумга кадәр акча эшли. Авыру кеше хисабына, әл­бәттә. Тик дару бәясе очсызланачак дип сөенергә ашыкмагыз. Икътисадчылар фике­ренчә, даруха­нә­ләр үз­ләре эш­ләп тапкан акча салым һәм хезмәт хакы түләүгә тотыла. Өстәмә керем чыганагы юкка чыкса, бу үзен­нән-үзе дару бәясе кыйм­мәт­ләнүгә ките­рә­чәк дип фаразлаганнар.

(“Ватаным Татарстан”,   /№ 39, 19.03.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!