ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 179, 11.12.2018/

//

Ерактан ук күрсеннәр

 

Татарстан музейларын оптимальләштерә башларга ниятлиләр. Бу хакта “Татар-Информ” агентлыгына биргән әңгәмәсендә Татарстан мәдәният министрлыгының музей эшен үстерү бүлеге җитәкчесе Дамир Нотфуллин әйткән. Билгеле булганча, атна башында Татарстан Президенты Рөстәм Миңнеханов музейларның нәтиҗә­ле­ле­ген бәяләргә кирәклеге турында белдерде.

1-2

Ул Казанда А.Горький һәм Ф.Шаляпин музейларын карады. Президент сүзләренә караганда, республиканың әй­дәп баручы музейлары замана таләпләренә туры китереп эшләргә һәм табыш алырга тиеш. Бүлеп биргән акчаны файдалану белән генә чикләнмәскә кушты ул. Республика башлыгын ишет­кәннәр, күрәсең.

 
“Быел дәүләт музей чел­тәрен оптималь­ләштерергә тәкъдим итәбез, чөнки арада үзләренә йөкләнгән бурычларны тиешенчә башкара алмаучылар да бар. Мунициапль музейлар бе­лән чагыштырганда, дәү­ләтнекеләргә карата та­ләпләр югарырак, финанслау тәртибе дә үзгә. Алар дәүләт биреме буенча эшли. Оптимальләштерү чыгымнарны конструктив сарыф итүне күздә тота”, – дигән Дамир Нотфуллин. Аның әйтүенчә, сүз теге яки бу музейны муниципаль ка­тегориягә күчерү яки дәү­ләт музее филиалы статусы бирү турында барырга мөм­кин. Дәүләт музее ди­гәндә, Татарстан Милли музеен күз алдына китерергә мөмкин. Бүген ул 14 филиалны (Алабуга музей-тыюлыгы, Болгар, Зөя  һ.б.) берләштерә.

 

Әлеге эшне Татарстан Министрлар Кабинеты каршындагы Икътисадый һәм соцаль тик­шеренүләр үзәге белән бер­лектә оештырачаклар. “Иң беренче чиратта нәтиҗәлелек мәсьәләсе тора, – дигән бүлек җитәкчесе. – Барлык таләпләрне үтәү шарты белән, музейны ел дәвамында карап тору 1,5 миллион сумга җитә. Тик үз коллекциясе булмаган һәм елына нибары 800 кеше килә торган музей ачу максатка ярашлымы?..” Музейларга бәйле таләпләр күбрәк икәнен дә искәрткән.

(“Ватаным Татарстан”,   /№ 35, 14.03.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Фотохәбәр

Видеохәбәр