ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 56, 20.04.2018/

//

Россиядә ил җитәкчесен сайлауда катнашу өчен РФ Президенты Владимир Путинның үз-үзен тәкъдим итүенә теләк­тәш­лек белдереп имзалар җыю башланды, дип хәбәр итә ТАСС, “Җиңү волонтерлары” хәрәкә­тенең Хабаровск краендагы төбәк координаторы Анастасия Брага сүзләренә таянып.

 

Хабаровск шәһәрендә волонтерлар ике пунктта Россия Президентына кандидат – үз-үзен тәкъдим иткән Владимир Путинга теләктәшлек йө­зеннән имзалар җыюга кереште, дигән Анастасия. Ул шулай ук им­заларның катгый закон нигезендә җыелачагын искәрткән. Үз-үзен тәкъдим иткән кандидат ким дигәндә сайлаучыларның 300 мең имзасын җыярга тиеш. Шул ук вакытта Россиянең һәр субъектында шушы территориядә яшәүче кимендә 7,5 мең гражда­нинның имзасын җыю кирәк.
***
РФ вице-премьеры Виталий Мутко 2018 елгы футбол буенча дөнья чемпионатын оештыру комитеты составыннан чыгарылган. Бу хакта тиешле боерыкка Премь­ер-министр Дмитрий Медведев кул куйган. Документ хокукый мәгълүмат­ларның рәсми интер­нет-пор­талына урнаштырылган.

 
“Россия – 2018” оештыру ко­митетының күзәтчелек советында Мутко урынын оештыру комитеты­ның генераль директоры Алексей Сорокин биләячәк. Ул берьюлы ике вазыйфаны алып барачак. “Интерфакс” хәбәр иткәнчә, Виталий Мутко РФ Хөкүмәте Рәисе урынбасары вазыйфасында төбәк­ләрнең дөнья чемпионатына әзер­ләнүен һәм шулай ук турнир өчен кирәкле инфраструктураны үз вакытында төзүне күзәтеп торуын дәвам итәчәк.
***
Судья Максим Беляев Татарстан Югары суды рәисе урынбасары итеп билгеләнде. Бу җә­һәттән тиешле указга 1 гыйнвар көнне РФ Президенты Владимир Путин кул куйды, дип хәбәр иткән “Татар-Информ” агентлыгына ТР Югары судының матбугат секретаре Наталья Лосева.


М.Беляевның вәкаләтләре срогы алты ел тәшкил итә. Ул республика Югары суды рәисе урынбасары вазыйфасында – 2012 елның гыйнварыннан, ә ТР Югары суды судьясы вазыйфасында 2006 елның ав­гус­тыннан бирле эшли.

(“Ватаным Татарстан”,   /№ 1, 06.01.2018/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!

Видеохәбәр