ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 24, 19.02.2019/

//

Мәскәүдән үрнәк аласы

 

Мәскәү, Санкт-Петербург һәм Мәскәү өлкәсе. Белгечләр тормыш дәрәҗәсе иң югары булган төбәкләрне атаган. Беренче бишлектә Татарстан да бар. “Рейтинг” мәгълүмат агент­лыгы белгечләре ил тө­бәк­ләрен 70 төрле күрсәткеч буенча бәяләгән. Моның өчен “Росстат”, Сәламәтлек саклау, Финанс министр­лык­лары, Россия Үзәк банкы кебек оешма һәм ведомстволар мәгълү­матларын файдаланганнар. Һәр тө­бәк­кә 1 баллдан алып 100 баллга кадәр бәя бир­гәннәр. Мондый тикшеренү­нең ел саен үткәрелүен дә искәртик.

1-3
Белгечләр әйтүенчә, уз­ган ел белән чагыштырганда, быел исемлек башында әллә ни үзгәреш юк. Алга киткән төбәкләр тот­рык­лылыкны саклап калган. Беренче өчлектә – Мәс­кәү, Санкт-Петербург һәм Мәс­кәү өлкәсе. Аларның һәр­кайсы белгечләр тарафыннан 70тән дә күбрәк балл алган. Әлеге тө­бәк­ләрнең ­бер­ничә елдан бирле рей­тингның югары баскычында урнашуларын биредә икътисади һәм социаль вәзгыять яхшырак булу, инфраструктура зур үсеш алу белән аңлат­кан­нар. Исем­лекнең дүртенче баскычында – Татарстан. Республикабыз барлыгы 66 балл җыйган. Татарстан был­тыр да рейтингның дүртенче урынында урнашкан. Быел беренче унлыкка Белгород өлкәсе, Краснодар крае, Воронеж өлкәсе, Ханты-Ман­си автономияле ок­ругы, Липецк һәм Калининград өл­кәләре дә эләккән. Исемлек­нең беренче ун баскычында урнашкан төбәк­ләргә илдә җитештерелгән тулай тө­бәк продуктының яртысы диярлек, ваклап сатуның 40 проценты һәм төп капиталга инвес­ти­ция­ләрнең дә шул ук кадәресе туры килә, дигән белгечләр.


Рейтинг ахырында Ка­барда-Балкар, Бурятия, Еврей автономияле округы, Курган өлкәсе, Алтай, Калмыкия, Ингушетия, Байкал аръ­ягы, Карачай-Черкас һәм Тыва республикалары. Төбәкләр уртача 46 балл җыйган. Тыва республикасында исә нибары – 16 балл.

(“Ватаным Татарстан”,   /№ 24, 19.02.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!