ИҖТИМАГЫЙ-СӘЯСИ ГОМУМТАТАР ГАЗЕТАСЫ

/№ 40, 20.03.2019/

//

Борын астында ни бар?

 

Илдә яшәүчеләрнең күбесе Магнитогорскида газ шартлау аркасында чыккан фаҗигадә күп­кат­лы йортта яшәүчеләр үзләре һәм торак-ком­муналь хезмәтләр гаепле дип саный. Тик белгеч­ләр, башкаларга бәя биргәнче, йорттагы газ җиһазларына игътибар итәргә кушкан.

1-1
Бөтенроссия халык фикерен өйрәнү үзәге үткәр­гән сораштырудан күрен­гәнчә, респондентларның 42 проценты 39 кешенең гомере өзелүгә китергән фа­җи­гадә үз эшенә бармак аша караучы торак-ком­му­наль хуҗа­лык хез­мәт­кәр­лә­рен гаеплә­гән. Ил­дә яшәү­челәрнең өчтән бере әй­түенчә, фатир хуҗа­лары да игътибарлырак булырга тиеш.


Респондент­ларның кү­бе­се, тәгаен әйт­сәк, 44 проценты фаҗига газ җиһаз­лары белән саксыз эш итү аркасында килеп чыккан дип саный. Тагын 30 проценты исә, газ челтәрләре яраксыз хәлгә килгән, дигән фикердә. Теракт очрагы турында телгә алучылар нибары 11 процент.


Читтән торып бәя бирү – бер хәл. Үзебез ни дәрәҗәдә җаваплы соң? Татарстан Дәүләт торак инспекциясе җитәкчесе Сергей Крайнов әйтүенчә, бүген республикада 1,4 миллионнан артык газ плитәсе, 220 меңнән артык газ ягулы су җылыткыч, 560 меңнән артык газ казаны һәм 22 меңнән артык газ миче исәпләнә. Шул ук вакытта 123 мең газ плитәсе һәм 31 мең су җылыткыч­ның файдалану вакыты чыккан. Моннан тыш 14 мең газ казаны алмаштыруны таләп итә. “Барлык җиһаз­лар да имин эшләсен өчен, аларга ел саен техник хезмәт күр­сәтелергә, ә кайбер очракта яңага алмаштырырга ки­рәк”, – ди җи­тәкче. Ни кызганыч, күпкат­лы йортларда яшәүчеләр, акчаны янда калдырырга теләп, үз иминлеген куркыныч астына куя. “Шәхси казанга хезмәт күрсәтү турында килешү төзегән абонентлар саны – 55,9 мең, шул ук вакытта торак фондында теркәлгән шәхси газ казаннары саны нибары 563 меңне тәшкил итә. Ягъни милекчеләрнең нибары 10 проценты ки­лешү төзегән”, – ди Сергей Крайнов. Без авыз пешкәч кенә өреп кабарга гадәт­ләнгән шул.

(“Ватаным Татарстан”,   /№ 13, 30.01.2019/)


Бу язманы шәхси сәхифәгезгә дә урнаштырыгыз:


Язмага фикерегезне өстәгез

Фикерләр: 0

Архив

Котлыйбыз!